मोरङ। सार्वजनिक लेखा समितिका सभापति एवम् नेकपा एमालेका नेता ऋषिकेश पोखरेलका पूर्वस्वकीय अनिल कुमार पोखरेलविरुद्ध पक्राउ पुर्जी जारी भएको छ ।
ठगी गरी अपराधिक लाभ लिएको मुद्दामा पोखरेललाई सोमबार पक्राउ गरी अनुसन्धान गर्न मोरङ अदालतले अनुमति दिएको मोरङ अदालतका सूचना अधिकारी हेमबहादुर बुढाथोकीले बताए ।
ठगी गरी आपराधिक लाभ लिएको मुद्दामा प्रहरीले पक्राउ गर्न अनुमति मागेकोमा आज अदालतले पोखरेललाई पक्राउ गर्न अनुमति दिएको हो ।
एमबीबीएसको प्रवेश परीक्षामा नाम निकालिदिने भन्दै मोरङको रंगेली नगरपालिका २ बस्ने अनिलले सप्तरीका बौआलाल चौधरीबाट ३८ लाख रुपैयाँ लिएको आरोप छ । उनलाई यो विषयमा समाचार आएपछि सभापति पोखरेलले स्वकीय सचिवबाट हटाएका थिए ।
