विराटनगर । नेकपा एमाले मोरङले आज विराटनगरमा जागरण सभा आयोजना गर्दैछ।
दिउँसो १ बजे विराटनगर जनआन्दोलन चोकमा जागरण सभा आयोजना गरिने नेकपा एमाले मोरङका उपाध्यक्ष सागर थापाले जानकारी दिए।
जागरणसभामा सहभागी हुन र गणतन्त्रको पक्षमा एक्यबद्धता प्रकट गर्न उनले सम्पूर्ण महानगरवासीलाई आग्रह गरेका छन्। जागरण सभामा मोरङको विराटनगर र आसपासका पालिकाबाट सहभागी हुने नेकपा एमाले मोरङका उपसचिव सन्तोष बान्तवाले बताएका छन्।
