काठमाडौँ — विवाहको घरमा उत्सवको रौनक थियो। छोरीको विवाह मिति तय भइसकेको थियो — वैशाख ३ गते। परिवार तयारीमा व्यस्त थियो, तर यही बेलामा भएको एक घटनाले सबैलाई स्तब्ध बनायो।
भारतको उत्तर प्रदेशस्थित अलीगढ जिल्लामा एक आमाले आफ्नै छोरीले इन्गेजमेन्ट गरिसकेको केटासँग भागेकी छिन्। उक्त घटनाले एक सामान्य विवाहलाई त्रासदीमा परिणत गरिदिएको छ।
आमाको पलायन, छोरीको बिउँझिँदो दुःस्वप्न
जितेन्द्र नामका एक व्यक्तिले प्रहरीमा उजुरी दिएका छन् कि उनकी पत्नी नगद र गहना लिएर घरबाट फरार भएकी हुन्। तर वास्तविकता यति सरल थिएन — ती महिला आफ्नै छोरीका हुनेवाला श्रीमान्सँग भागेकी रहिछन्।
छोरी अहिले गहिरो मानसिक आघातमा परेकी छिन् र अस्पतालमा उपचाररत छिन्। ‘आजतक’लाई दिएको बयानमा उनले भनिन्स्
“म मेरो आँखामै देखिरहेको थिएँ, तर विश्वास गर्न सकिन — मेरी आमा नै मेरो सपना चकनाचुर बनाउने बनिन्।”
स्मार्टफोनबाट सुरु, सम्बन्धसम्म पुगेको कथा
परिवारका अनुसार ती आमाले हुनेवाला ज्वाइँलाई उपहारस्वरूप स्मार्टफोन दिएकी थिइन्। त्यसपछि उनीहरूबीच नियमित कुराकानी सुरु भयो, जसले अन्ततः प्रेम सम्बन्ध मा परिणति पायो।
